Kollywood News

  • Home/
  • Cine News/
  • அஜித்தின் 'விசுவாசம்' படத்தில் இணைந்த பிரபல காமெடி நடிகை

அஜித்தின் 'விசுவாசம்' படத்தில் இணைந்த பிரபல காமெடி நடிகை

தல அஜித் நடிப்பில் இயக்குனர் சிவா இயக்கத்தில் உருவாகி வரும் 'விசுவாசம்' படத்தின் முதல்கட்ட படப்பிடிப்பு கடந்த சில நாட்களுக்கு முன் முடிவடைந்தது. ஐதராபாத்தில் நடந்த இந்த படப்பிடிப்பில் 40% படம் முடிந்துவிட்டதாக கூறப்படும் நிலையில் தற்போது இந்த படத்தின் அடுத்தகட்ட படப்பிடிப்பு விரைவில் மும்பையில் தொடங்கவுள்ளது.

இந்த நிலையில் இந்த படத்தில் ஆச்சரியம் தரும் வகையில் பிரபல நடிகர், நடிகைகள் இணைந்து வருகின்றனர். நேற்று இந்த படத்தில் காமெடி நடிகர் விவேக் இணைந்ததாக வெளிவந்த செய்தியினை பார்த்தோம். இந்த நிலையில் இந்த படத்தில் பிரபல காமெடி நடிகர் கோவை சரளா இணைந்துள்ளதாக தெரிகிறது. இந்த படத்தில் கோவை சரளா விவேக்கிற்கு ஜோடியாக நடிக்கின்றாரா? என்பதை பொறுத்திருந்து பார்ப்போம்

விஜய்யின் 'சர்கார்' மற்றும் சூர்யாவின் 'என்.ஜி.கே' ஆகிய படங்களுடன் 'விசுவாசம்' படம் தீபாவளி அன்று திரைக்கு வெளிவரும் என்று எதிர்பார்க்கப்பட்டது. ஆனால் தற்போது வெளிவந்துள்ள புதிய தகவலின்படி இந்த படம் 2019ஆம் ஆண்டு பொங்கல் தினத்தில் வெளிவரும் என்று கூறப்படுகிறது

அஜித், நயன்தாரா, யோகிபாபு, ரோபோ சங்கர், தம்பி ராமையா, போஸ் வெங்கட், உள்ளிட்ட பலர் நடித்து வரும் 'விசுவாசம்' படத்திற்கு டி.இமான் இசையமைத்து வருகிறார். சத்யஜோதி பிலிம்ஸ் தயாரிப்பில் உருவாகி வரும் இந்த படத்திற்கு வெற்றி ஒளிப்பதிவும், ரூபன் படத்தொகுப்பு பணியும் செய்து வருகின்றனர்.

Source : Indiaglitz

Read More about :

share