Kollywood News

  • Home/
  • Cine News/
  • தனுஷ் நடித்த ஹாலிவுட் படத்துக்கு சர்வதேச விருது

தனுஷ் நடித்த ஹாலிவுட் படத்துக்கு சர்வதேச விருது

தனுஷ் நடித்துள்ள ‘தி எக்ஸ்ட்ராடினரி ஜர்னி ஆஃப் ஃபகீர்’ படம் நார்வே திரைப்பட விழாவில் முக்கிய விருதை தட்டிசென்றது. இந்த தகவலை பட இயக்குநர் கென் ஸ்காட் ட்விட்டரில் தெரிவித்துள்ளார்.

கதாநாயகனாக தனுஷ் நடித்துள்ள ‘தி எக்ஸ்ட்ராடினரி ஜர்னி ஆஃப் ஃபகீர்’ என்ற படம் இந்தியாவின் மும்பை, ஃபிரான்ஸ், இத்தாலி, லிபியா போன்ற நான்கு நாடுகளில் படமாக்கப்பட்டுள்ளது.

கேன்ஸ் உட்பட பல்வேறு சர்வதேச திரைப்பட விழாக்களில் பங்கெடுத்த இப்படம், சமீபத்திய நார்வே திரைப்பட விழாவிலும் கலந்து கொண்டது. அதில் ‘தி எக்ஸ்ட்ராடினரி ஜர்னி ஆஃப் ஃபகீர்’ படத்துக்கு ‘தி ரே ஆஃப் ஷன்ஷைன்’ என்ற முக்கிய விருது கிடைத்துள்ளது.

இதுகுறித்து படத்தின் இயக்குநரான கென் ஸ்காட், நேர்மையான படமாக்குதல் மற்றும் கவர்ந்திழுக்கும் காட்சிகள் காரணமாக நடுவர்கள் படத்துக்கு இந்த விருதை அளித்துள்ளதாக ட்விட்டரில் பதிவிட்டுள்ளார்.

ஆங்கிலம் மற்றும் ஃபிரெஞ்சு ஆகிய மொழிகளில் நேரடியாக தயாரிக்கப்பட்டுள்ள இப்படம், தமிழில் வாழ்க்கையை தேடி நானும் போனேன் என்ற பெயரில் மொழிமாற்றம் செய்யப்ப்பட்டு வெளிவரவுள்ளது. விரைவில் ஒரே நேரத்தில் அனைத்து மொழிகளிலும் ‘தி ரே ஆஃப் ஷன்ஷைன்’ படம் வெளியிட திட்டமிடப்பட்டுள்ளது.

share