Kollywood News

  • Home/
  • Cine News/
  • திமுக தலைவர் கருணாநிதியின் உடல்நலம் குறித்து விசாரிப்பதற்காக நடிகர் விவேக் வருகை

திமுக தலைவர் கருணாநிதியின் உடல்நலம் குறித்து விசாரிப்பதற்காக நடிகர் விவேக் வருகை

காவேரி மருத்துவமனையில் கடந்த 27-ஆம் தேதி நள்ளிரவில் திமுக தலைவர் கருணாநிதி உடல் நலக்குறைவு காரணமாக அனுமதிக்கப்பட்டார். அவருக்கு 5 வது நாளாக மருத்துவர்கள் தீவிர சிகிச்சை அளித்து வருகின்றனர்.

இந்நிலையில் கருணாநிதியின் உடல்நலம் குறித்து விசாரிப்பதற்காக அரசியல் கட்சித் தலைவர்கள், முக்கிய பிரமுகர்கள் என ஏராளமானோர் மருத்துவமனைக்கு வந்து செல்கின்றனர். அந்தவகையில் இன்று காலை காவேரி மருத்துவமனைக்கு வருகை தந்த நடிகர் விஜய், மு..ஸ்டாலினை சந்தித்து கருணாநிதியின் உடல்நலம் குறித்து கேட்டறிந்தார்.

இதனைத் தொடர்ந்து இன்று மதியளவில் நடிகர் விவேக், கருணாநிதியின் உடல்நலம் குறித்து விசாரிப்பதற்காக காவேரி மருத்துவமனைக்கு வருகை தந்தார். பின்னர் செய்தியாளர்களிடம் பேசிய அவர், கருணாநிதி விரைவில் உடல்நலம் பெற்று வீடு திரும்பி, தமிழுக்கு தொண்டு ஆற்றுவார் என்று தெரிவித்தார்.

Read More about :

share