Kollywood News

  • Home/
  • Cine News/
  • ஜே.கே ரித்திஷ் மராடைப்பால் காலமானார்:

ஜே.கே ரித்திஷ் மராடைப்பால் காலமானார்:


ஜே.கே ரித்திஷ் காணல் நீர், நாயகன், பெண் சிங்கம் படத்தில் நடித்தவர். அண்மையில் ஆர்.ஜே.பாலாஜி நடிப்பில் வெளியாகி ஹிட்டான LKG படத்தில் அரசியல் வாதியாக நடித்திருந்தார்.

அதிமுக கட்சியில் இருந்த ஜே.கே ரித்திஷ் பின் திமுக சார்பில் 15வது லோக்சபா தேர்தலில் 2009ல் போட்டியிட்டு ராமநாதபுரம் தொகுதியில் வெற்றி பெற்று நாடாளுமன்ற உறுப்பினரானார்.

இலங்கையின் கண்டியில் பிறந்த இவர் பின் ராமேஸ்வரத்தில் குடிபெயர்ந்தார். அவர் ஜோதீஸ்வரி என்பவரை கடந்த 2007ல் திருமணம் செய்துகொண்டார். அவருக்கு ஆரிக் ரோஷன் என்ற மகன் இருக்கிறார்.

தற்போது அவர் வரப்போகும் நாடாளுமன்ற தேர்தலுக்காக ராமநாதபுரத்தில் வாக்கு சேகரிப்பு பணியில் ஈடுப்பட்டிருந்தார். மதியம் வீட்டில் உணவு சாப்பிட்டு மீண்டும் பிரச்சாரத்திற்காக கிளம்பிய போது நெஞ்சு வலி ஏற்பட்டுள்ளது. இதனால் அவரை தனியார் மருத்துவமனையில் அனுமதித்துள்ளனர்.

ஆனால் அவர் சிகிச்சை பலனின்று உயிரிழந்துள்ளார். இதனால் அவரின் உடல் வீட்டிற்கு எடுத்துச்செல்லப்பட்டுள்ளது. அவருக்கு வயது 46. அவரின் மரணத்தால் குடும்பத்தினர் சோகத்தில் ஆழ்ந்துள்ளனர். 

திரைதுறையினர் பலரும் அவருக்கு இரங்கலை தெரிவித்து வருகின்றனர். 

Read More about :

share